فحص السيارة المستعملة قبل الشراء في عمّان
السيارة المستعملة ممكن تخبّي حوادث أو أعطال ما بتبيّن بالتجربة. فحص شامل عند ورشة مختصة قبل الشراء بيعطيك صورة واضحة، وبيساعدك تقرر أو تفاصل بالسعر.
احجز هالخدمةالسعر حسب سيارتك، وبنأكده معك على واتساب قبل الموعد. سواق الورشة بيستلمها وبيرجعها بـ5 دنانير، أو سلّمها بنفسك ببلاش.
شو بيشمل
- فحص المحرك والجير والتعليق والفرامل والإطارات.
- فحص كمبيوتر للأعطال المسجّلة، وفحص الهيكل لآثار الحوادث.
- صور وملاحظات عن حالة السيارة، عشان تقرر على أساسها.
متى بتحتاجه
- قبل ما تدفع عربون أو توقّع على أي إشي.
- إذا السيارة هايبرد أو كهرباء، ضيف فحص البطارية كمان.
كيف بتمشي الأمور
اطلب بدقيقة
اختار الخدمة واليوم، وما في دفع هلأ.
منأكد معك
منبعتلك على واتساب السعر والموعد واسم الورشة.
التسليم
سواق الورشة بيستلمها أو بتسلّمها بنفسك. بنسجّل العداد والبنزين وبنصوّرها من كل الجهات.
انت بتقرر
أي شغل إضافي بتوصلك صوره وسعره، وبتوافق أو بترفض.
بترجعلك جاهزة
مع صور الشغل والقطع القديمة. فلوسك بتضل محفوظة لحد ما تأكد إنها وصلتك.
أسئلة عن هالخدمة
كيف بتوصل السيارة للورشة إذا لسا مش إلي؟
متل أي حجز: بتوصلها انت أو البايع للورشة، أو سواق الورشة بيستلمها من مكانها إذا البايع موافق. اكتب التفاصيل بالملاحظات، وبنرتّب معك على واتساب.
بتقولولي إذا أشتريها أو لا؟
بتوصلك حالة السيارة بصراحة مع الصور، والقرار إلك. والملاحظات بتساعدك تفاصل بالسعر إذا في إشي بدّه تصليح.
جاهز تحجز؟
بتاخد دقيقة، وما في دفع هلأ. بنأكد معك السعر والموعد على واتساب.
احجز هالخدمة