فحص بطارية الهايبرد في عمّان
سيارات الهايبرد كثيرة بالأردن، وبطاريتها أغلى قطعة فيها. الفحص بيعطيك تقرير عن حالتها، عشان تعرف وين صارت قبل ما تتفاجأ، أو قبل ما تشتري هايبرد مستعملة.
احجز هالخدمةالسعر حسب سيارتك، وبنأكده معك على واتساب قبل الموعد. سواق الورشة بيستلمها وبيرجعها بـ5 دنانير، أو سلّمها بنفسك ببلاش.
شو بيشمل
- فحص بطارية الهايبرد بأجهزة الفحص وقراءة حالتها.
- تقرير عن حالة البطارية.
- إذا في مشكلة، الورشة بتشرحلك الخيارات والأسعار، وانت بتقرر.
متى بتحتاجه
- صرف البنزين زاد بدون سبب واضح.
- المحرك صار يشتغل أكثر، أو مؤشر البطارية بينزل ويطلع بسرعة.
- لمبة تحذير الهايبرد ضاوية.
- قبل ما تشتري أو تبيع سيارة هايبرد مستعملة.
كيف بتمشي الأمور
اطلب بدقيقة
اختار الخدمة واليوم، وما في دفع هلأ.
منأكد معك
منبعتلك على واتساب السعر والموعد واسم الورشة.
التسليم
سواق الورشة بيستلمها أو بتسلّمها بنفسك. بنسجّل العداد والبنزين وبنصوّرها من كل الجهات.
انت بتقرر
أي شغل إضافي بتوصلك صوره وسعره، وبتوافق أو بترفض.
بترجعلك جاهزة
مع صور الشغل والقطع القديمة. فلوسك بتضل محفوظة لحد ما تأكد إنها وصلتك.
أسئلة عن هالخدمة
هاي نفس بطارية التشغيل؟
لا. سيارة الهايبرد فيها بطاريتين: بطارية 12 فولت صغيرة للتشغيل والأضواء، وبطارية الهايبرد الكبيرة اللي بتشغّل الموتور الكهربائي. هاد الفحص للكبيرة.
بيفيدني إذا بدي أشتري هايبرد مستعملة؟
كثير. حالة البطارية بتفرق بالسعر، والتقرير بيعطيك صورة واضحة قبل ما تدفع. وفي كمان فحص شامل قبل الشراء.
جاهز تحجز؟
بتاخد دقيقة، وما في دفع هلأ. بنأكد معك السعر والموعد على واتساب.
احجز هالخدمة