فحص السيارة قبل الترخيص في عمّان
ما في أسوأ من إنك ترجع من الترخيص عشان لمبة أو إطار. الفحص قبل الترخيص بيمرّ على الأشياء اللي عادةً بتنفحص، وبيصلّح اللي لازم قبل موعدك، بعد ما توافق على السعر.
احجز هالخدمةالسعر حسب سيارتك، وبنأكده معك على واتساب قبل الموعد. سواق الورشة بيستلمها وبيرجعها بـ5 دنانير، أو سلّمها بنفسك ببلاش.
شو بيشمل
- فحص الأضواء والإشارات، والفرامل، والإطارات، والمساحات والزامور، وأحزمة الأمان.
- فحص الزجاج والشكمان، وأي لمبة تحذير ضاوية.
- صور وسعر لأي تصليح لازم، وانت بتقرر.
متى بتحتاجه
- قبل موعد ترخيص سيارتك بأسبوع أو أسبوعين.
- إذا سيارتك قديمة، أو صارلها فترة ما انفحصت.
- إذا في لمبة تحذير ضاوية، أو إشي معروف إنه خربان.
كيف بتمشي الأمور
اطلب بدقيقة
اختار الخدمة واليوم، وما في دفع هلأ.
منأكد معك
منبعتلك على واتساب السعر والموعد واسم الورشة.
التسليم
سواق الورشة بيستلمها أو بتسلّمها بنفسك. بنسجّل العداد والبنزين وبنصوّرها من كل الجهات.
انت بتقرر
أي شغل إضافي بتوصلك صوره وسعره، وبتوافق أو بترفض.
بترجعلك جاهزة
مع صور الشغل والقطع القديمة. فلوسك بتضل محفوظة لحد ما تأكد إنها وصلتك.
أسئلة عن هالخدمة
بتعملوا الترخيص عني؟
لا، الفحص بيجهّز السيارة بس، والترخيص نفسه بتعمله انت. وإذا سيارتك على حسابك بتورك، بتشوف موعد ترخيصها الجاي فيه.
بيضمن إنه سيارتي تنجح بالفحص؟
ما حدا بيقدر يضمن نتيجة فحص الترخيص، بس الفحص قبل بيلاقي أغلب الأسباب اللي بترجّع السيارات وبيصلّحها قبل موعدك.
جاهز تحجز؟
بتاخد دقيقة، وما في دفع هلأ. بنأكد معك السعر والموعد على واتساب.
احجز هالخدمة