فحص كمبيوتر للسيارة في عمّان
لمبة التحذير ما بتقلك شو المشكلة، بس كمبيوتر السيارة بيعرف. الورشة بتقرا الأعطال المسجّلة بجهاز الفحص، وبتشرحلك السبب والحل والسعر قبل أي تصليح.
احجز هالخدمةالسعر حسب سيارتك، وبنأكده معك على واتساب قبل الموعد. سواق الورشة بيستلمها وبيرجعها بـ5 دنانير، أو سلّمها بنفسك ببلاش.
شو بيشمل
- قراءة أكواد الأعطال من كمبيوتر السيارة.
- شرح السبب والتصليح المطلوب مع السعر، قبل ما يبلّش أي شغل.
- رسوم الفحص بتنخصم من سعر التصليح إذا قررت تصلّح.
متى بتحتاجه
- لمبة المحرك (Check Engine) أو أي لمبة تحذير ضاوية.
- السيارة بترجف، أو ضعفت، أو صار صرفها أعلى.
- صوت أو تصرّف غريب بالسيارة وما بتعرف مصدره.
كيف بتمشي الأمور
اطلب بدقيقة
اختار الخدمة واليوم، وما في دفع هلأ.
منأكد معك
منبعتلك على واتساب السعر والموعد واسم الورشة.
التسليم
سواق الورشة بيستلمها أو بتسلّمها بنفسك. بنسجّل العداد والبنزين وبنصوّرها من كل الجهات.
انت بتقرر
أي شغل إضافي بتوصلك صوره وسعره، وبتوافق أو بترفض.
بترجعلك جاهزة
مع صور الشغل والقطع القديمة. فلوسك بتضل محفوظة لحد ما تأكد إنها وصلتك.
أسئلة عن هالخدمة
اللمبة طفت لحالها، لازم أفحص؟
العطل غالباً بيضل مسجّل بالكمبيوتر حتى لو اللمبة طفت، والفحص بيبيّن إذا كان إشي عابر أو بداية مشكلة.
بتفحصوا سيارات الهايبرد والكهرباء؟
آه. اكتب نوع المحرك وقت الحجز عشان نختارلك الورشة المناسبة.
جاهز تحجز؟
بتاخد دقيقة، وما في دفع هلأ. بنأكد معك السعر والموعد على واتساب.
احجز هالخدمة