فحص مكيف السيارة وتعبئة الغاز في عمّان
صيف عمّان ما بينحمل بدون مكيف. إذا صار يبرّد أضعف أو بيطلع هوا سخن، غالباً الغاز ناقص أو في تسريب. الورشة بتفحص المكيف قبل ما تعبّي، عشان ما تدفع على غاز رح يطير.
احجز هالخدمةالسعر حسب سيارتك، وبنأكده معك على واتساب قبل الموعد. سواق الورشة بيستلمها وبيرجعها بـ5 دنانير، أو سلّمها بنفسك ببلاش.
شو بيشمل
- فحص تبريد المكيف وضغط الغاز.
- تعبئة الغاز إذا ناقص.
- إذا في تسريب أو قطعة خربانة، بتوصلك صور وسعر التصليح قبل التعبئة، وانت بتقرر.
متى بتحتاجه
- المكيف بيبرّد أضعف من قبل، أو بيطلع هوا سخن.
- ريحة غريبة أو صوت لما تشغّل المكيف.
- قبل الصيف، عشان ما يفاجئك بأول موجة حر.
كيف بتمشي الأمور
اطلب بدقيقة
اختار الخدمة واليوم، وما في دفع هلأ.
منأكد معك
منبعتلك على واتساب السعر والموعد واسم الورشة.
التسليم
سواق الورشة بيستلمها أو بتسلّمها بنفسك. بنسجّل العداد والبنزين وبنصوّرها من كل الجهات.
انت بتقرر
أي شغل إضافي بتوصلك صوره وسعره، وبتوافق أو بترفض.
بترجعلك جاهزة
مع صور الشغل والقطع القديمة. فلوسك بتضل محفوظة لحد ما تأكد إنها وصلتك.
أسئلة عن هالخدمة
ليش ما بعبّي الغاز وبس؟
إذا في تسريب، الغاز الجديد رح يطير خلال أسابيع وبترجع لنفس المشكلة. الفحص بيلاقي السبب، وانت بتقرر إذا بدك تصلّح التسريب أو تعبّي بس.
المكيف بيبرّد بس في ريحة، شو الحل؟
الريحة غالباً من فلتر المكيف أو من رطوبة بالنظام. اكتبها بالملاحظات وقت الحجز، والورشة بتفحصها وبتبعتلك السعر.
جاهز تحجز؟
بتاخد دقيقة، وما في دفع هلأ. بنأكد معك السعر والموعد على واتساب.
احجز هالخدمة